Këngëtarja e njohur e grupit  Cranberries, Dolores O’Riordan është varrosur në një ceremoni private në vendlindjen e saj në Ballybricken të Irlandës.

Këngëtarja e cila me anë të muzikës së saj u mundua të shpëtoj shumë persona nga errësira e depresionit, ndërroi jetë në moshën 46 vjeçare në një hotel në Londër, ku po qëndronte për një seri incizimesh për një turne të planifikuar paraprakish, transmeton arbresh.info

Ende nuk dihen shkaqet e vdekjes së saj, por që thuhet se edhe ajo vetë po vuante depresioni.

Në ceremoninë e varrimit të saj të pranishëm ishin nëna e saj, tre fëmijet, ish bashkëshorti i saj dhe anëtarët e bendit.

”Nuk ka fjalë adekuate për të përshkruar Dolores, apo për të treguar ndikimin e saj pozitiv tek të tjerët, njerëzit që ajo ka shpëtuar nga errësira e depresionit është e pamundshme për t’i numëruar”, ka thënë miku i familjes, Canon Liam McNamara

Dolores me grupin e saj Cranberries njihet për hitet e saj si “Linger” dhe “Zombie”, derisa kryeministri irlandez, Leo Varadkar, e ka cilësuar atë si “zërin e gjeneratës së saj”./arbresh.info/