Emmanuel Macron është akuzuar se po shfrytëzon lodhjen e publikut francez në lidhje me krizën e emigrantëve për të miratuar ligjet e reja të ashpra të emigracionit dhe azilit.

Presidenti është duke e mbajtur “asin e fundit në mëngë” pasi po përfiton nga opinioni publik në Paris që duhet të merret me krizën e emigrantëve, ka thënë një anëtar i shquar i partisë së gjelbër, transmeton portali arbresh.info

David Cormand, sekretari kombëtar i partisë së gjelbër të Evropës, tha:  “Z. Macron mendon se mund të bëjë atë që dëshiron, sepse ai e di se francezët janë lodhur nga kriza e emigrantëve dhe se duhet të mbajnë një barrë të madhe.

“Z. Macron është duke e mbajtur asin në mëngë … Ai po luan një lojë cinike duke u thënë njerëzve se politika e tij e re është edhe efiçente dhe humane kur duket qartë që nuk është”.

Cormand vazhdoi të denonconte qëndrimin gjithnjë e më “të dhunshëm” të zotit Macron ndaj migrantëve dhe refugjatëve.

Ligji i ri i imigracionit i presidentit të ri përbën një kërcënim serioz për “kohezionin kombëtar” dhe për “vlerat themelore” të vendit, paralajmëroi ai./Arbresh.info/