Takimi i Kryesisë së Kuvendit i paraparë që të fillojë në ora 11:00 nuk ka nisur ende.

Mësohet se ky takim nuk ka filluar për shkak se në këto momente është duke u mbajtur një takim tjetër është në mes të Presidentit, Kadri Veselit dhe ambasadorëve.

Thuhet se takimi i sotëm është i përjavshëm, që Presidenti e zhvillon me ambasadorë, shkruan Arbresh.info.

Ndërkaq më herët Ambasadori amerikan Greg Delawie, në një konference për media tha se nisma për zhbërjen e Speciales është shembull i tmerrshëm.

Ai ka thënë se deputetët që e mbështesin këtë nismë dhe politikanët që i prijnë asaj, përkundër mohimeve të tyre, do të t’iu nënshtrohen pasojave specifike dhe të ashpra.

Në rendin e ditës nuk është si pikë e rendit shfuqizimi i Gjykatës Speciale dhe ende nuk dihet nëse projektligji për këtë Gjykatë do të hyjë sot në rend dite./Arbresh.info