Rusia dënon ashpër vrasjen e politikanit serb të Kosovës, Oliver Ivanoviç në Kosovë dhe bën thirrje për një hetim tërësor të rastit, tha të martën ministria e jashtme ruse.

Oliver Ivanoviç, u vra gjatë mëngjesit të ditës së sotme në qytetin e Mitrovicës, transmeton portali arbresh.info

“Ne e dënojmë me forcë këtë akt të neveritshëm dhe presim nga organet përkatëse që të kryejnë një hetim tërësor të incidentit dhe të indetifikojnë autorët që do të marrin denimin e merituar”, thuhet në deklaratë.

Ministria u bëri thirrje të gjitha organizmave ndërkombëtarë të pranishëm në Kosovë që të marrin masat e duhura me qëllim parandalimin e incidenteve të tilla në të ardhmen.

“Zgjidhja e rezultateve politike në një mënyrë të tillë mund të dërgojë në përhapjen e terrorit dhe rikthimin e konfliktit etnik në rajon”, thuhet tutje në deklaratën e ministrisë./arbresh.info/

?️С прискорбием узнали об убийстве Оливера Ивановича. Выражаем глубокие соболезнования его родным и близким. Решительно осуждаем этот подлый актhttps://t.co/Wzwf8EAPzK pic.twitter.com/sPjnAYEba2

— МИД России ?? (@MID_RF) January 16, 2018