Arabia Saudite thotë se ka ndaluar një tjetër raketë nga Jemeni

21:47 | 16 Janar 2018
Trina Galanxhi

Mbrojtja ajrore e Arabisë Saudite ka deklaruar se ka kapur dhe ka shkatërruar një raketë balistike të nisur nga Jemeni, që për synim kishte krahinën saudite të Jazanit.

Sipas deklaratës, sulmi ka ndodhur rreth orës 8:20 të mëngjesit (sipas kohës lokale), transmeton portali arbresh.info

Për shkak të përgjimit të suksesshëm, jeta e përditshme në Jazan, që ndodhet pranë pjesës më perëndimore të kufirit Saudite-Jemeni, nuk është ndërprerë në asnjë mënyrë, transmeton raporti i lajmeve Al-Arabiya.

Sulmi vjen pas ditë pasi sauditët kapën një raketë tjetër që vuri në shënjestër provincën e Najranit dhe disa ditë pasi ekspertët e OKB-së pohuan se Irani shkeli embargo e armëve të OKB-së të imponuara ndaj Jemenit.

“Irani ka furnizuar Houthin me raketa me qëllim për të shënjestruar Arabinë Saudite”, citohet të ketë thënë ministri i jashtëm saudit, Adel el-Jubeir./arbresh.info/