Në mbledhjen e sotme të qeverisë së Kosovës është miratuar plani strategjik për punësimin e të rinjve në Kosovë, shkruan arbresh.info

Ky plan është nisur nga Ministria e Mirëqenies Sociale, ku ministri Skënder Reçica tha se objektiv i këtij plani është punësimi i të rinjve.

“Hartimi i planit për punësimin e të rinjve është udhëheqë nga Ministria e Mirëqenies Sociale. Objektiv i këtij plani është punësimi i të rinjve. Rritja e qasjes në tregun e punës e të rinjve. Rritja e punësimit përmes ndërmarrësisë. Ngritja e cilësisë për mësim praktik në shkollë, janë disa nga pikat e planit” tha ministri në mbledhjen e qeverisë.

“Për të zbatuar planin e veprimit për rritjen e punësimit të të rinjve është paraparë një kosto prej 17 milionë e 440 mijë euro për tri vitet e zbatimit”, ka shpjeguar Reçica.

Nga buxheti i Kosovës janë paraparë 2 milionë e 294 mijë euro. “Nga vlerësimi i ndikimit financiar nga MF është konfirmuar se nuk ka kosto shtesë për buxhetin e Kosovës. Ndërsa pjesa tjetër do të mbulohet nga donatorët”, tha kreu i MPMS-së./Arbresh.info/