Vëllai i madh i yllit të Barcelonës dhe Argjentinës, Lionel Messit, është liruar nga arresti shtëpiak pasi pagoi detyrimin prej 100 mijë euro.

35-vjeçari Matias Messi ishte dënuar me arrest shtëpiak në qytetin e tij në Rosario, 300 kilometra në veri të Buenos Aires, javën e kaluar për shkak të posedimit të një arme, transmeton portali arbresh.info.

Arresti është bërë pasi atij i është gjetur një armë në një motoskaf i mbuluar me gjak më 30 nëntor, pasi kishte goditur një rrip rëre. Policia kishte gjetur një pistoletë të fshehur në bordin e varkës.

Kjo ishte hera e dytë që vëllai i yllit është arrestuar për posedim të armëve. Ndëshkimi mund të jetë me burg për tri vite e gjysmë deri në tetë vite.

Lirimi me kusht do të thotë se ai mund të ecë i lirë në Argjentinë por nuk mund të largohet nga vendi./arbresh.info/