Manchester United është i gatshëm t’ia ofrojë mesfushorin armen, Henrikh Mkhitaryan, Juventusit.

United këtë do ta bëjë në mënyrë që të nënshkruajë me mbrojtësin brazilian, Alex Sandro, i cili është duke u kërkuar edhe nga Chelsea.

Trajneri portugez i Manchester United, Jose Mourinho, dëshiron me çdo kusht të mposht Chelsean në garën për nënshkrimin e 26 vjeçarit, në afatin kalimtar të janarit.

Chelsea e ka bërë synim Alex Sandron, që nga vera e kaluar por nuk kishin arritur të nënshkruajnë me të.

Sipas “The Sun”, Juventusi dëshiron një shkëmbim me United, ndërmjet Alex Sandros dhe Mkhitaryan, transmeton arbresh.info.

Armeni ka humbur vendin e tij në formacionin bazë të United dhe nuk është përfshirë fare në skuadër në ndeshjet e fundit nga Mourinho.

Po ashtu mbrojtësi brazilian, Sandro, ka humbur vendin e tij në formacionin e Juventusit, nga Kwadwo Asamoah.

Juve ka vendosur çmimin prej 50 milionë eurove. /arbresh.info/