Cristiano Ronaldo dhe Harry Kane janë bërë dy sulmuesit e fundit që kanë arritur shifrën prej 50 gola në një vit kalendarik pasi të dy shënuan sot (e shtunë).

Ronaldo, i cili shfaqi para ndeshjes Topin e Artë të fituar së fundmi, realizoi dy herë në fitoren e thellë 5 me 0 të Real Madridit ndaj Sevillas, transmeton portali arbresh.info.

Kane nga ana tjetër shënoi dy herë në fitoren 5 me 1 ndaj Stoke Cityt të Xherdan Shaqirit.

Ata i janë bashkuar tre lojtarëve që deri tani kanë realizuar 50 gola para përfundimit të këtij viti.

Por, numri i golave të tyre mund të rritet në ndeshjet në vazhdim që kanë mbetur brenda 2017-së./arbresh.info./

Lojtarët që kanë shënuar 50 gola ose më shumë në vitin 2017:

• 52 Robert Lewandowski (51 paraqitje, 1.02 gola për ndeshje)
• 52 Lionel Messi (61, 0.85)
• 51 Cristiano Ronaldo (57, 0.89)
• 51 Edinson Cavani (59, 0.86)
• 50 Harry Kane (48, 1.04)