Kampioni i Francës është rikthyer në formë sensacionale në ndeshjen e zhvilluar si nikoqir mbrëmjen e sotme (e shtunë).

Monaco ka regjistruar fitore me rezultat 3 me 2 në takimin në kuadër të xhiros së 17-të si nikoqir në Stade Louis II ndaj Troyes, shkruan portali arbresh.info.

Deri në minutën e 70′ të ndeshjes, mysafirët ishin duke udhëhequr me rezultat të thellë 0 me 2. Suk Hyun Jun kishte shënuar dy golat  (25′)(50′) për skuadrën nën udhëheqjen e trajnerit Jean Louis Garcia. Megjithatë, kampioni francez ngushtoi epërsinë me autogolin e realizuar nga Mathieu Deplagne në minutën e 70′. Por, heroi i tyre ishte sulmuesi argjentinas Guido Carrillo.

26-vjeçari ia siguroi rikthimin sensacional skuadrës së tij duke shënuar dy gola të shpejta në pesë minutat e fundit të kohës së rregullt. Pas golit me kokë në minutën e 85′, Carrilo shënoi sërish tre minuta më vonë duke përmbysur rezultatin në 3 me 2.

Monaco tani ka 35 pikë dhe qëndron në pozitën e dytë në tabelën e Ligës 1 me nëntë pikë prapa PSG-së si lidere, ndërsa Troyes qëndron në pozitën e 18-të me vetëm 18 pikë./arbresh.info/

Shikoni të gjitha golat e realizuar në këtë ndeshje:

https://streamable.com/u0v0f

https://streamable.com/7vrbz

https://streamable.com/rjid4

https://streamable.com/h5nbm