Top Channel mëson se rreth 40 efektivëve i është refuzuar rinovimi i certifikatave të kategorive “sekret” dhe “tepër sekret”.

Për këtë arsye, burimet thonë se ditët e fundit ka patur disa lëvizje në radhët e policisë që kanë prekur shefin e komisariatit të Peshkopisë, shefin e kufirit në Dibër, shefin e qarkullimit rrugor në Gjirokastër dhe disa oficerë antidroge në drejtorit vendore të 12-të qarqeve të vendit. Po ashtu, lëvizje ka pasur edhe në Komisariatin e Sarandës, por burimet nuk saktësojnë nëse është për të njëjtat arsye.

Për këto lëvizje nuk ka një njoftim zyrtar nga policia. Por burimet thonë se disa prej efektivëve kanë kaluar në dispozicion ndërsa ligji parashikon që në rast të mos pajisjes me certifikatë sigurie, subjekti kalon në një detyrë tjetër ku nuk njihet me informacione të klasifikuara.

Për pajisjen me certifikatë sigurie verifikimet kryen nga 3 institucione, shërbimi për çështjet e brendshme dhe ankesave, Shërbimi Informative Shtetëror dhe Drejtoria e Sigurimit të Informacionit të Klasifikuar.