Borussia Monchengladbach ka siguruar tri pikë të plota në ndeshjen ndaj kampionit të Gjermanisë.

M’gladbach ka shënuar fitore me rezultat 2 me 1 ndaj Bayern Munichut në takimin e xhiros së 13-të të zhvilluar në kuadër të Bundesligas, shkruan portali arbresh.info.

Dy golat në pjesën e parë i dhanë fund gjashtë fitoreve radhazi të “Bavarezëve” që u ringjallën menjëherë pasi trajneri Jupp Heynckes mori detyrën si një zëvendësues i Carlo Ancelottit.

Nikoqirët shënuan dy gola brenda pesë minutave në pjesën e parë të këtij takimi në Borussia Park. Thorgan Hazard realizoi golin e epërsisë nga penalltia (39′), ndërsa Mathias Ginter shënoi golin e dytë një minutë pa përfunduar koha e rregullt.

“Bavarezët” arritën të ngushtojnë epërsinë në minutën e 74′ përmes një goli të shënuar nga mesfushori Arturo Vidal, por nuk arritën ta barazojnë rezultat në minutat e mbetur.

Bayern Munichu tani ka 29 pikë në krye të tabelës në Bundesliga, ndërsa Borussia M’gladbach qëndron në pozitën e katërt me 24 pikë./arbresh.info/