Trajneri italian i Chelseat, Antoino Conte, ka folur pas fitores së lartë të skuadrës së tij ndaj Qarabag 0 me 4 në kuadër të Ligës së Kampionëve.

Edhe pse udhëtimi për në Azerbajxhan ishte i gjatë dhe i lodhshëm, kampionët anglez bënë një paraqitje fenomenale duke demoluar Qarabagun në shtëpi të vet, transmeton arbresh.info.

Golat për fitoren e Chelseat i shënuan Eden Hazard, Cesc Fabregas dhe Ëillian i cili shënoi dy herë në portën e Qarabag.

“Skuadra ime tregoi karakter, – tha Conte. – Jemi përballur me shumë probleme në këtë sezon, por gjithmonë kemi dhënë një përgjigje të mirë në fushën e lojës. Humbja 3-0 me Roma në ndeshjen e kaluar të Champions ka qenë ndeshja më e dobët që kur kam marrë drejtimin e Chelsea”, tha Conte

“Por mënyra si fituam dhe siguruam kualifikimin në Azerbajxhan tregon se jemi në gjendje të reagojmë sa herë është e nevojshme.

Tani jemi përqendruar maksimalisht te ndeshja ndaj Liverpool, shumë e rëndësishme për ecurinë tonë në Premier League. Jemi një skuadër kompakte, shumë e fortë.”, përfundoi trajneri italian.

Ndeshja e ardhshme e Chelsea do të jetë sfida në Premier League kundër Liverpool. /arbresh.info/