Shtetet e Bashkuara kanë vendosur sanksione kundër 13 organizatave kineze dhe koreano veriore, të cilat akuzohen se kanë ndihmuar shmangien e kufizimeve bërthamore kundër Phenianit dhe kanë mbështetur atë përmes tregtisë.

Vendimi vjen një ditë pasi Presidenti Trump e vendosi Korenë Veriore në listën e sposorëve shtetërorë të terrorizmit, transmeton portali arbresh.info

Sanksionet e reja tregojnë se përqendrimi i administratës Trump në dëmtini e tregtisë mes Kinës dhe Koresë Veriore mund të jetë çelësi për të ushtruar presion ndaj Phenianit për t’u larguar nga ambicja e tij për të zhvilluar një raketë bërthamore të aftë për të goditur Shtetet e Bashkuara.

“Ky përcaktim do të imponojë sanksione të tjera dhe dënime kundër Koresë Veriore dhe personave që kanë lidhje me të”, tha Sekretari i Thesarit, Steven T. Mnuchin.

Ai shtoi se Shtetet e Bashkuara do të bëjnë maksimumin për të izoluar regjimin vrastar të Koresë Veriore.
Tensionet mes SHBA-ve dhe Koresë Veriore janë rritur që nga testimi i raketave balistike./arbresh.info/