Presidenti i vendit, Hashim Thaçi ka uruar qytetarët e Kosovës, partitë politike, shoqërinë civile dhe institucionet tjera për mbarëvajtjen e rrethit të dytë të zgjedhjeve lokale dje.

Thaçi, përmes një statusi në Facebook ka thënë se Kosova edhe njëherë e dëshmoi se zgjedhjet në Kosovë janë profesionale, fer dhe demokratike, shkruan arbresh.info.

Lexoni të plotë postimin e tij:

Uroj të gjithë qytetarët e Kosovës, partitë politike, shoqërinë civile dhe mediat, të gjitha institucionet shtetërore, KQZ-në për organizimin e zgjedhjeve të lira e demokratike.

Kosova dëshmoi edhe një herë se zgjedhjet e nivelit më të lartë profesional, fer, të lira e demokratike janë tani standard i konsoliduar në Kosovë.

I falënderoj edhe të gjithë vëzhguesit, kosovarë dhe ndërkombëtarë, që garantuan se procesi është transparent dhe kredibil.

Këtë herë ishim të nderuar që në kohë zgjedhjesh në Kosovë ishte edhe miku ynë i përjetshëm dhe kultivuesi i përhershëm i marrëdhënieve tona me SHBA-në, kongresmeni Eliot Engel, që ka pasur rast të shikojë nga afër Demokracinë kosovare në Veprim. HTH./arbresh.info/