KQZ : Në raundin e dytë votuan vetëm 38.10 për qind e qytetarëve

20:20 | 19 Nëntor 2017
Gita

Kryetarja e Komisionit Qendror të Zgjedhjeve, Valdete Daka , një orë pas përmbylljes së vendvotimeve, në një konferencë për media bëri të ditur ecurinë e procesit zgjedhor gjatë ditës së sotme.

Daka tregoj edhe përqindjen e votuesve në nivel vendi në raundin e dytë të zgjedhjeve lokale, që i mbajt në 19 komuna të Kosovës.

“Në bazë të të dhënave të dërguara nga qendrat e votimit, të gjitha janë mbyllur me kohë dhe nga 99,83 për qind të votimeve, të dhënat e të cila janë procesuar deri me tani, dalja e votuesve në zgjedhje është 38.10 për qind të votuesve.

Daka tha se KQZ është e kënaqur me procesin e votimit.

Jemi jashtëzakonisht të kënaqur që procesi i votimit ka kaluar qetë dhe pa raportime për ndonjë parregullsi që do të cenonte integritetin e këtyre zgjedhjeve”, u shpreh Daka.

Sipas saj, në momentin që përfundon votimi, rezultati del në faqen e KQZ./arbresh.info/