Komisioneri i Bashkimit Evropian për Fqinjësi të Mirë dhe Negociata të Zgjerimit, Johanes Hahn, i ka përmendur kryeministres së Serbisë, Ana Brnabiq, dialogun me Kosovën derisa ka folur për integrimin e Serbisë në Bashkimin Evropian, shkruan arbresh.info.

“Shumë njerëz flasin shumë fjalë por duhet të konkretizohen,” është shprehur Hahn në një konferencë për medie në Bruksel, bashkë  me Përfaqësuesen e Lartë të BE, Federica Mogherini dhe kryeministren Brnabiq.

Sipas Hahn, ka të bëjë me kualitetin dhe jo shpejtësinë kur flitet për integrimin e Serbisë në Bashkimin Evropian.

“Normalizim i raporteve me Kosovën është sigurisht shumë i rëndësishëm. Ende duhet të punohet në reforma ekonomike, në sundimin e ligjit, problemin e papunësisë,” është shprehur Hahn./arbresh.info/