Elseid Hysaj ka përsëritur edhe njëherë rëndësinë e madhe që ka fitorja e kampionatit italian te Napoli.

Napoli, i cili nuk ka fituar titullin në Serie A mbi 30 vite, aktualisht qëndron në krye të tabelës me 32 pikë pas 12 ndeshjeve këtë sezon – një më shumë se Juventusi në pozitën e dytë, shkruan portali arbresh.info.

Lexo edhe: Elseid Hysaj: Miqësorja ndaj Turqisë, shumë e rëndësishme

Hysaj beson që sezoni 2017-18 është shansi më i mirë për napolitanët të triumfojnë pas rezultateve të mira që kanë arritur deri tani.

“Të fitojmë kampionatin do të jetë një gjë shumë e madhe për Napolin sepse ka tash 30 vite që po presim këtë mundësi dhe besoj që këtë vit do të jetë mundësia më e mirë për të treguar vetën tonë dhe besoj që jemi gati sepse siç kemi treguar në çdo ndeshje, jemi duke luajtur mirë”, ka thënë shkodrani në konferencën për shtyp para ndeshjes së Shqipërisë ndaj Turqisë.

23-vjeçari ka bërë nëntë paraqitje në Serie A këtë edicion./arbresh.info/