Një grua 70-vjeçare nga Japonia është dënuar me vdekje, pasi vrau dy dashnorë dhe burrin e saj.

Chisako Kakehi është akuzuar për përdorimin e cianidit për të vrarë dashnorët e saj, ku më pas ka përfituar miliona nga pagesat e sigurimeve, transmeton portali arbresh.info

Prokurorët thanë se ajo kishte në shënjestër burra të pasur, që ishin kryesisht të moshuar ose të sëmurë.

Në mediat japoneze, ajo u bë e njohur me nofkën “vejusha e zezë”, sipas merimangës femër që vret burrat pas seksit.

Gjykata e Qarkut në Kiotos vendosi që Chisako Kakehi, vendosi që ajo të dënohet me vdekje, edhe pse  është diagnostifikuar si e çmendur.

Kakehi, e cila ishte e pranishme në seancë, ka kërkuar nga gjykatësi që të flasë me zë të lartë dhe nuk ka treguar asnjë emocion kur i është shqiptuar dënimi.

Kakehi ishte akuzuar për vrasjen e bashkëshortit të saj të katërt, 75 vjeç, Isao Kakehi, më 28 dhjetor 2013, një muaj pasi u martuan.

Ajo u akuzua gjithashtu për vrasjen e dy dashnorëve të saj, të moshës midis 70 dhe 80 vjeç dhe për vrasjen dhe vjedhje e një dashnori tjetër.

Gjatë seancës ajo ka pranuar se e ka vrarë burrin e saj, ndërsa ka shtuar se ai “nuk e ka trajtuar mirë”.

Kjo është rasti i dytë më i gjatë i gjykatës që përfshin një juri që nga viti 2009, kur Japonia paraqiti një sistem të përbashkët gjyqësor-jurie./arbresh.info/