Një infermiere e cila u arrestua pasi  kishte refuzuar të  marrë  një  mostër gjaku nga një  pacient që  ishte pa ndjenja u shpërblye me 500,000 dollarë.

Alex  Wubbels arriti marrëveshjen për kompensim me qytetin e Salt Lake dhe Spitalin e Utah, tha avokati i saj, transmeton portali arbresh.info

Arrestimi i saj nga policia në  korrik shkaktoi zemërim kur pamjet e incidentit dolën me vonë . Ajo u pa duke u arrestuar dhe duke u zvarritur deri te vetura e një  polici.

Detektivi Jeff Payne, u dërgua në  spitalin e Utah në  datën 26 korrik për të  marrë  një  mostër gjaku nga një  shofer i kamionëve i cili ishte pa ndjenja, si i dyshuar për një përplasje me policin.

Infermierja e cila ishte kujdestare atë ditë, i tha detektivit Payne që ai nuk kishte një  urdhër  për marrjen e mostrës së  gjakut, si kërkohej nga ligji.

Gjithashtu ajo shtoi që gjaku nuk mund të merret nga pacienti pa miratimin tij.

Zonja  Wubbels në  një  konferencë për shtyp ju tha gazetarëve që  “ Puna e vetme që  kam si një  infermiere është të mbajë pacientet të sigurt”./arbresh.info/