Zyrtari i Lidhjes Demokratike të Kosovës, Valon Murtezaj, ia ka shtruar disa kërkesa kandidatit të partisë së tyre për Prishtinën, Arban Abrashit. Ai thotë se si një qytetar i Prishtinës që është, ka vetëm dy kërkesa të vogla. Madje ia rikujton Abrashit, se kushtet e tij janë të lehta për tu realizuar.

Postimi i plotë i Valon Murtezajt:

“Arban Abrashi

si qytetar i Prishtinës, dhe i Kosovës, i kam dy kërkesa të vogla për Ty si Kryetar i Prishtinës:

1. Një flamur të madh të Republikës së Kosovës, më të madhin në Prishtinë, në njërin nga sheshet kryesore të qytetit (sheshi Adem Jashari sipas meje, është afër komunës, afër Kuvendit, dhe Qeverisë).
2. Të ma mundësosh të ec si këmbësor banor i Arbërisë ( dhe mijëra banorëve tjerë), përgjatë rrugës Ahmet Krasniqi në Arbëri. Nga Komuna e re, deri poshtë te rrethi i Arbërisë.

Këto janë të lehta për ti bërë. Mund ti bësh në vitin e parë të qeverisjes. Janë të nevojshme për të gjithë ne.

Ka edhe shumë projekte tjera zhvillimore, tanimë i ke në planin tënd.

Punojmë për fitore ✌️✌️”, ka shkruar Murtezaj në profilin e tij në facebook.