Sulmuesi i Lazios, Ciro Immobile raportohet se është subjekt i një oferte madhështore prej 70 milionë euro nga klubi kinez Shanghai SIPG.

Bazuar në ‘Gazzetta dello Sport’, Shanghai, i drejtuar nga ish trajneri i Lazios – Sven Goran Eriksson, dëshiron të sjell në klub Immobilen në muajin janar, transmeton portali arbresh.info.

Përveç kësaj, ata do t’i ofrojnë 27-vjeçarit një kontratë me vlerë prej 6.5 milionë euro në sezon, më shumë se dyfishi prej 3 milionë euro që aktualisht futbollisti fiton. Megjithatë, gazeta e lartpërmendur shton që Lazio nuk i është përgjigjur ende ofertës duke theksuar është “thuajse e pamundur” për reprezentuesin e Italisë për të realizuar një transferim të tillë.

Immobile ka qenë një befasi te skuadra e Aquiles këtë sezon pasi tashmë ka shënuar 17 gola./arbresh.info/