Trajneri i Manchester United, Jose Mourinho ka thënë se skuadra e tij është mposhtur nga një skuadër më e mirë pas disfatës 2 me 1 ndaj Huddersfieldit.

Golat nga Aaron Mooy dhe Laurent Depoitre i dhanë epërsinë për 2 me 0 në pjesën e parë Huddersfieldit para se Marcus Rashford të realizonte vonë golin e vetëm nga skuadra e Jose Mourinhos, transmeton portali arbresh.info.

“Skuadra që e donte atë më shumë fitoi. Kur skuadra më e mirë fiton, këtu nuk ka asgjë për të thënë. Nuk e di pse ata e donin më shumë”, tha Mourinho pas ndeshjes.

“Nuk do të jem kritik ndaj lojtarëve të mi në media. Do ta analizoj ndeshjen dhe nëse duhet, do t’i kritikoj ata. Isha i befasuar nga performanca jonë, nuk e prisja atë”

“Ndoshta në pjesën e dytë ne e kërkonim atë pak më shumë dhe ndoshta ne mund të arrinim barazimin, por të them të drejtën ne e merituam ndëshkimin e disfatës”

Huddersfieldi mposhti për herë të parë pas 65 viteve Manchester Unitedin./arbresh.info/