“Qytetarët” kanë përforcuar kreun në Premierë Ligë duke regjistruar një tjetër fitore me rezultat të thellë.

Manchester City ka fituar 3 me 0 në ndeshjen si nikoqir në Etihad ndaj Burnleyt në takimin e zhvilluar pasditen e së shtunës në kuadër të xhiros së nëntë, shkruan portali arbresh.info.

Sulmuesi Sergio Aguero realizoi golin e epërsisë nga penaltia në minutën e 30′ të ndeshjes duke barazuar rekordin prej 177 golave nga Eric Brook, golashënuesi më i mirë i të gjitha kohërave i klubit.

Pjesa e parë përfundoi me këtë rezultat, por skuadra e frikshme e Pep Guardiolas realizoi më pas edhe dy gola pas pushimeve. Nicolas Otamendi dyfishoi epërsinë në minutën e 73′, ndërsa Leroy Sane realizoi golin e fundit për 3 me 0 vetëm dy minuta në vonë.

Manchester City qëndron në krye të tabelës me 25 pikë, pesë më shumë se Manchester United në pozitën e dytë, ndërsa Burnley qëndron në pozitën e nëntë me 13 pikë./arbresh.info/

https://streamable.com/td6tv