Në gjithë territorin e Maqedonisë në ora 19:00 janë mbyllur të gjitha vendvotimet për zgjedhjet lokale 2017.

Në bazë të njoftimeve të fundit të Komisionit Shtetëror të Zgjedhjeve, deri në ora 17:00, mbi 885.044 e qytetarëve me të drejtë vote kanë marrë pjesë në zgjedhje lokale që i bie 49,02% përqind e votuesve, njofton TetovaSot.

Sipas të dhënave të KKZ-së në komunën e Gostivarit, të drejtën e votës deri ora 17 e kanë ushtruar 29.531 votues apo 37.1 përqind.

Në Komunën e Dibrës deri në orën 17:00 në votim kanë dalë 7.342 persona me të drejtë vote apo diçka mbi 40 për qind nga gjithsej 18.406 qytetarë të regjistruar.

Deri në ora 17 është rritur fluksi i votuesve në Tetovë duke shkuar rreth 39% që i bie 32527 persona kanë ushtruar të drejtën e tyre të votimit.

Në Kërçovë deri ora 17:00,  49,21% apo 24.890 të qytetarëve e ushtruan të drejtën e tyre të votës.

Në Çair deri ora 17:00,  43,20% apo 24.888 të qytetarëve e ushtruan të drejtën e tyre të votës.

Në komunën e Bogovinës, megjithatë, në zgjedhjet lokale kanë votuar 34,27 për qind, në komunën e Bërvenicës jehona është 38,79, në komunën e Zhelinës 32 për qind, në komunën e Jegunovcës 39 për qind dhe në komunën e Tearcës 36,88 për qind.