Ministri i jashtëm serb Ivica Daçiq ka bërë një deklaratë mjaft tendencioze kur ka fol për përfaqësuesin e Preshevës Jonuz Musliun për të cilin ka thënë se le të gëzohet që nuk është në burg ndërsa bashkimin me Kosovën le ta harroj.

“Ftesat e Jonuz Musliut për bashkimin e Luginës së Preshevës me Kosovën janë ëndrra të thata dhe ai duhet ta falënderojë Zotin pse nuk është arrestuar deri më tash. Pos, nëse, Bashkim i Europian nuk konsideron se Presheva është rast special, që nuk do të më habiste”, ka thënë Daçiq, transmeton Indeksonline

Shefi i diplomacisë serbe për “novosti” ka reaguar kështu ndaj deklaratës së kryetarit të Kuvendit të Bujanocit Jonuz Musliu.

Musliu, pas referendumit për pavarësi të Katalunjës e ka ftuar Beogradin dhe bashkësinë ndërkombëtare që ta njohin referendumin e shqiptarëve në Luginën e Preshevës në vitin 1992 kur kishin votuar për bashkimin e Luginës së Preshevës me Kosovën.