Presidenti i vendit Hashim Thaçi sapo është nisur për një udhëtim tjetër në Shtetet e Bashkuara të Amerikës, ku në Shtëpinë e Bardhë do të pritet nga zëvendëspresidentin amerikan Mike Pence.

Ndërkaq në një prononcim për Klan Kosova, Këshilltari i presidentin Ardian Arifaj, ka shpalosur pak nga detajet e këtij takimi që do të ketë Presidenti i Kosovës, Hashim Thaçi me Zëvendëspresidentin Mike Pence.

Ai ka thënë se arsyeja e këtij takimi është garantimi i paqes në vend, pasi Kosova është faktori kryesor i stabilitet në rajon.

”Takimi i Presidentit Thaçi me Zëvendëspresidentin Pence, është kryesori. Është thellim i interesimit të Washingtonit, kjo vizitë do të jetë vazhdim i shkëmbimit të informatave për të thelluar apo intensifikuar angazhimin e SHBA-së në Kosovë por edhe në rajon”.

” Arsyeja e këtij takimi pra është që Presidenti të sigurohet që Bashkësia Ndërkombëtare, Shtetet e Bashkuara të Amerikës të japin shtytjen e tyre për stabilitetin në Kosovë e rajon, për të garantuar paqen”, ka përfunduar Arifaj.