Trajneri Ernesto Valverde është i vendosur për të shitur një yll në janar.

Barcelona ka një skuadër të mbushur me plotë yje sa i përket opsioneve në sulm dhe duket që Ernesto Valverde përfundimisht ka humbur durimin në sulmuesin 24-vjeçar Paco Alcacer duke vendosur për të lejuar largimin e tij në janar, transmeton portali arbresh.info.

Bazuar në një raport nga gazeta spanjolle ‘Diario Gol’, trajneri i Barcelonës i ka thënë Alcacerit që fillojë kërkimet për një klub të ri pasi Valverde beson që sulmuesi nuk i përshtatet ideologjisë së tij.

Në fakt, ish sulmuesi i Valencias është lënë jashtë skuadrës kryesore të Barcelonës në dy ndeshjet e fundit dhe një numër i madh i klubeve në Premierë Ligë dhe La Liga janë të interesuara për të siguruar shërbimet e tij.

Pas largimit të Neymarit për transferim te PSG, të gjithë ishin në pritje që Alcacerit do t’i ofrohet kohë e rregullt në fushë. Megjithatë, pasi Valverde ka larguar atë nga skuadra e tij, mesazhi është i qartë rreth të ardhmes së sulmuesit në klub./arbresh.info/