Partitë politike shqiptare pa përjashtime në të gjitha zgjedhjet pavarësisht se janë ato lokale apo parlamentare, në fushatat e tyre elektorale gjithnjë kanë trajtuar edhe pjesën e luftës dhe ushtarët e UÇK-së për të përfituar nga elektorati vota në zgjedhje.

Ish-ushtarak të UÇK-së për Zhurnal theksojnë se madje në zgjedhjet e fundit parlamentare një person vetëm pse brohoriti disa herë UÇK…UÇK… u bë deputet.

Në prag të zgjedhjeve lokale të 15  tetorit ato ndjehen të margjinalizuar dhe lënë anash. Thonë se nuk janë të përfshirë mjaftueshëm në listat e kandidatëve për këshilltarë dhe në kaditaurat e partive politike për kryekomunar.

Edhe pse, sipas tyre në taborin e ish-ushtarakëve ka kuadër cilësor dhe shumë të përgatitur.

“Përfshirja e ish ushtuarve të UÇK-së në kandidatura për kryetar komunash dhe për lista është e papërfillshme. Kandidimi i ish ushtuarve në listat për këshilltar komunal nga partitë politike tashmë po shihet si një hendikep dhe jo si përparësi sepse e keqpërdorën aq shumë emrin e UÇK-së deri sa kanë arrit që të asocoj tamam si një organizatë jashtë tokësore.  Për këtë gjendje janë fajtor edhe vet ish komandantët të cilët ishin dhe janë pjesë e partive politike sepse lejuan që ish ushtarët të trajtohen nga partit politike si lypsar e jo si ish ushtar të UÇK-së që sakrifikuan për të mirën e përgjithshme,pastaj i ndan ata me ngjyra partiake dhe ata që nuk i takuan ngjyrave të partive të tyre  i poshtëruan, i burgosën i vranë ashtu siç nuk njeh historia jonë kombëtare”, thekson për Zhurnal.mk, Azbi Nuredini ish-epror i UÇK-së dhe drejtues i incativës për dorëzimin e ligjit për ish-ushtarët e UÇK-së, invalidët e luftës dhe familjet e dëshmorëve në Parlamentin e Maqedonisë.

Shpresat tona, shton ai, për trajtim njerëzor të ish ushtarve të UÇK-së pa i dalluar nga ngjyra partiake janë të shuara sepse e kaluara e hidhur 15 vjeçare na e ka vërtetuar këtë, disa dhjetëra ish ushtar  të UÇK-së janë burgjeve të pafajshëm, disa ikën në europ për ekzistencë disa bredhin rrugëve të Maqedonisë,kjo ngjan me ata që nuk u pajtuan me politikat e “nënës parti”.

“Kush nuk dëgjoi “nënën”parti xheti këtë histori! Klanet dhe libreza partiake janë çelci i punësimit avancimit dhe karrierës te shumica e  partitë politike shqiptare”, nënvizon Nuredini.