Pronari i disa varkave në plazh i vjedh çantën me vlera monetare dhe celularë disa pushuesve nga Kosova në Durrës, transmeton noa.

Andi Sulo 23 vjeç, banues në Durrës, u arrestua gjatë ditës së djeshme nga ana e policisë në lagjen Nr.13, Plazh.

Ai u kap në flagrancë nga efektivët e policisë duke i vjedhur çantën me 200 euro, pesë telefona celularë dhe sende personale disa pushuesve kosovarë, grup ansambli të cilët kishin ardhur me pushime.

Gjithashtu, nga veprimet hetimore të kryera u dokumentua se i riu po ditën e djeshme për motive të dobëta, ka goditur me grushte 25-vjeçarin B.L., banues në Kosovë.

Ndaj të dyshuarit hetimet janë në vijim për të zbuluar raste të tjera ku mund të jetë i përfshirë, ndërkohë që materialet iu referuan Prokurorisë së Durrësit për veprat penale “Dëmtime të tjera me dashje” dhe “Vjedhja”.