Kryesuesi i delegacionit të Kosovës për Kartonin e Gjelbër në bisedimet e Brukselit, Rrahim Pacolli ka uruar Pandeli Majkon  në emërimin ministër për shqiptarët jashtë Shqipërisë.

Pacolli në urimin e tij ka përmendur edhe kontributin e Majkos si kryeministër në kohën kur Kosova po përballej me luftë, shkruan arbresh.info

Për më shumë lexoni shkrimin e tij të plotë

I nderuari z.Pandeli Majko

Pranoni urimet e mia më të përzemërta në marrjen e detyrës më të re atë të Ministrit për shqiptarët jashtë Shqipërisë.

Uroj që në funksionin e ministrit të jepni kontributin tuaj përmbajtësor në përfaqësimin e shqiptarëve kudo që janë.

Kosova nuk e harron ndihmën që i dhatë vendit tonë në kohën kur ishim përballë sfidës më të madhe atë të luftës.

Ju si kryeministër i Shqipërisë u desh të menaxhonit një nga situatat më të vështira që përballej Shqipëria, të mbështestni luftën e Kosovës, por edhe pritjen e qindra mijëra shqiptarë të dëbuar nga makineria e Milosheviqit.

Besoj që njësoj do të jeni të dedikuar edhe në detyrën e re.

Suksese, RR.P