Juventusi ka regjistruar tri pikët e para pas fitores me rezultat bindës ndaj Cagliarit.

“Zonja e Vjetër” shënoi fitore me rezultat të thellë 3 me 0 në ndeshjen e xhiros së parë në Serie A, shkruan portali arbresh.info.

Mario Mandzukic me një gol të bukur nga afërsi dërgoi kampionin italian në epërsi në ndeshjen e zhvilluar si nikoqir në stadiumin Allianz. Sulmuesi kroat shënoi për 1 me 0 në minutën e 12′ pas asistimit nga Stephan Lichtsteiner.

Në minutat shtesë të pjesës së parë, Paulo Dybala shënoi një super gol pas një asistimi fenomenal nga Alex Sandro nga një distancë e madhe.

Goli i tretë dhe i fundit gjatë kësaj ndeshje u shënua nga Gonalzo Higuain pas disa kombinimeve të bukura nga të përzgjedhurit e Massimiliano Allegrit.

Vlen të përmendet që portieri legjendar Gianluigi Buffon mbrojti një goditje nga pika e bardhë të ekzekutuar nga sulmuesi Diego Farias./arbresh.info

Dybala GOAL! WHAT. AN. ASSIST. BY. PJANIC!!! pic.twitter.com/9c5LOaGJ09

— Tarek Khatib (@ADP1113) August 19, 2017