Policia e Kosovës ka njoftuar se tashmë identifikuar personi që vdiq dje në autostradën “Ibrahim Rugova”, pas një goditje që mori nga vetura në lëvizje.

Indeksonline ka raportuar dje për këtë rast, derisa në mbrëmje policia kishte apeluar tek qytetarët që e njohin viktimën, të lajmërojnë në polici sepse nuk dihej identiteti i tij.

“ I dyshuari mashkull K/ Shqiptar gjersa ishte duke drejtuar automjetin në autostradë, ka goditur një këmbësor mashkull. Vdekja është konstatuar nga ekipi mjekësor në vend të ngjarjes. Me vendim të prokurorit trupi i pajetë është dërguar në Institutin e Mjekësisë Ligjore për obduksion, ndërsa i dyshuari është arrestuar dhe dërguar në mbajtje. Personi i aksidentuar është identifikuar nga familjaret”, thuhet në raport të policisë.