Partia Demokratike e Kosovës ka larguar gazetarët që po qëndronin në oborrin e selisë së kësaj partie në kryeqytet.

Veprimi vije, pas raportimit të arbresh.info se ky subjekt po mbanë mbledhje dy ditë para votimit të kryetarit të Kuvendit të Kosovës, që PDK për kandidat ka liderin e saj, Kadri Veseli.

Fillimisht janë lënë gazetarët të qëndrojnë në këto hapësira.

Persona nga PDK kanë thënë se është mbledhje e zakonshme dhe se po flasin për zgjedhjet lokale.

Më pas sigurimi i ka thënë gazetarëve se kanë urdhër të mos i lënë ata para dyerve të selisë.

Arbresh.info mëson nga burime të kryesisë së PDK-së se në takimin e thirrur nga Kadri Veseli, është folur edhe për formimin e institucioneve.

Pak minuta më parë, edhe nënkryetari i Partisë Demokratike të Kosovës, Memli Krasniqi, ka lëshuar mbledhjen e kësaj partie të mbajtur nga ora 11:00, në selinë kryesore në kryeqytet.

Ai nuk ka dashur të prononcohet për medie pasi ka lëshuar zyrat e PDK-së, dhe njëjtë nuk ka dashur të prononcohet as Anila Statovci Demaj.

Edhe Latif Gashi tashmë është larguar nga zyrat e PDK-së, por nuk ka folur rreth asaj që është diskutuar./arbresh.info/