Kryesuesi i seancës konstituive Adem Mikullovci, ka caktuar vazhdimin e seancës për datën 10 gusht në orën 10:00.

Në ftesën e thirrjes thuhet: Seanca konstituive e Kuvendit i vazhdon punimet të enjten, më 10 gusht 2017 në orrën 10:00 në sallëne Kuvendit.

Ftohen të gjithë deputetët e Kuvendit.

Propozimi i rendit të ditës është i bashkangjitur.

Ndërkaq, në agjendën e seancës, e cila është publikuar nga asistenti i GP të VV’së, Naim Jakaj, është vetëm një pikë, sipas dokumentit:

‘Zgjedhja e Kryetarit të Kuvendit dhe nënkryetarëve të Kuvendit”.

Ky veprim i Mikullovcit vjen pas caktimit të një takimi konsultativ me partitë politike që është paralajmëruar për të mërkurën. Lëvizja Vetëvendosje ka bërë me dije se nuk do të marrë pjesë në këtë takim derisa PAN është koalicioni që kërkon me këmbëngulje një marrëveshje mes partive se kur duhet të thirret séance e radhës.