Koreja Veriore ka festuar nisjen e një rakete ndërkontinentale me një festë të madhe ku u bashkuan përgjëgjësit për testimin e raketës dhe liderët e lartë të partisë.

Në krye të darkës së madhe qëndroi Kim Jong-un së bashku me gruan e tij, Ri Sol-ju, transmeton portali arbresh.info

Në ‘banketin’ e madh morrën pjesë Ri Man-gon, nënkryetar i Komitetit Qendror të Partisë së Punëtorëve dhe Kim Rakçon, komandant i forcave të raketave strategjike, shkruan angjencia e lajmeve KCNA.

“Suksesi i madh i nisjes së raketës së dytë, ka krijuar një strukturë të re politike”, ka thënë Ri gjatë fjalimit të tij.

Nënkryetari i komitetit gjithashtu ka bërë thirrje për ‘prodhim të pandërprerë të raketave balistike’.

Koreja e Veriut ka testuar raketën e dytë balistike ndërkontinentale,e cila përfundoi në ujrat e Japonisë. Testimi i fundit është dënuar ashpër nga bashkësia ndërkombëtare./Arbresh.info