Agim Bahtiri: Dikujt po i pengojnë sukseset në Mitrovicë, po i shkatërrojnë me qëllim ulëset

16:30 | 15 Korrik 2017
Arbresh.info

Kryetari i Mitrovicës, Agim Bahtiri ka thënë se gjërat në Mitrovicë po shkatërrohen me qëllim.

Përmes një statusi në llogarinë personale, Bahtiri ka bërë të ditur se ulëset afër Liqenit Akumules, në Mitrovicë janë thyer.

Gjeni të plotë statusin:

Dikujt po i pengojnë sukseset në Mitrovicë dhe tash kanë filluar shkatërrimin e qytetit. Në këto foto të cilat mi dërguan qytetarët, shihet se si dikush qëllimshëm i ka thyer ulëset te Liqeni Akumulues, vetëm e vetëm për shkak se ky vend po përmendet si sukses ne gjithë Kosovën.

Ne do ta sanojmë këtë dëm dhe dëmet e tjera, sepse Mitrovica po bëhet qytet shembull për gjithë Kosovën. Ata që e kanë shkatërruar në të kaluarën ditën, tash mund të tentojnë ta shkatërrojnë natën, por kot e kanë.

Mitrovica është e atyre që e duan dhe punojnë ditë e natë për të.