Presidenti i Kosovës, Hashim Thaçi ka uruar popullin amerikan me rastin e 4 korrikut, në Ditën e Pavarësisë.

Thaçi, përmes një postimi në Facebook ka thënë se kjo ditë është festë për tërë botën liridashëse, shkruan arbresh.info.

Lexoni të plotë postimin e tij:

Dita e sotme, 4 Korriku, është festë për tërë botën liridashëse, sepse përfaqëson ditën kur ngadhënjeu aspirata për liri e barazi dhe ëndrra për një botë të re, ku secili gëzon lirinë e mendimit, të shprehurit, të kërkimit të prosperitetit dhe të lumturisë në një ekonomi të lirë dhe shoqëri liberale. Kjo aspiratë na bashkon me SHBA-në sot, nesër dhe përgjithmonë. Por, edhe na obligon që t’i mbrojmë dhe promovojmë këto vlera, kudo e kurdo, në shtëpitë dhe shoqërinë tonë, duke i bërë themele të Kosovës që duam ne. Gëzuar popullit mik amerikan Ditën e Pavarësisë. HTH./Arbresh.info.