Barcelona ka kontaktuar skuadrën franceze Paris Saint Germain të premten rreth transferimit të Marco Verrattit.

Sipas një raporti nga ‘Gazzetta dello Sport’ këtë të shtunë, gjiganti katalunas ka kontaktuar PSG-së për të nisur negociatat rreth transferimit të mesfushorit, transmeton portali arbresh.info.

Bazuar në gazetën e lartpërmendur italiane, reprezentuesit e Barcelonës kanë kontaktuar drejtorin sportiv të PSG-së, Antero Henriquen, të pretën me qëllimin për të arritur një marrëveshje rreth mesfushorit këtë verë.

Lexo edhe: Agjenti i Cristiano Ronaldos në bisedime sekrete me gjigantin evropian

Megjithatë, përgjigjja e Henriques ishte e thjeshtë dhe e qartë që Barcelona duhet të punojë shumë në prapavijë për të arritur nënshkrimin me reprezentuesin e Italisë, i cili aktualisht sipas PSG-së nuk është në shitje.

“Më 4 korrik Verratti do të kthehet te PSG sepse presidenti Khelaifi ka vendosur për të mos shitur atë”, i ka thënë një burim gazetës italiane nga klubi francez.

Ky është reagimi i parë i Paris Saint Germain dhe është normal kur një klub nuk dëshiron të shes një lojtar. Nga tani, Barcelona duhet të punojë shumë për të bindur skuadrën në Liga 1 që të shes atë nëse vërtetë janë të interesuar për të siguruar transferimin e tij./arbresh.info