Nënkryetari i Partisë Demokratike të Kosovës, Enver Hoxhaj, ka thënë se skenari i vetëm i Partisë Demokratike të Kosovës është se ata do ta përcaktojnë qeverinë e ardhshme, përcjellë arbresh.

“Skenari i vetëm i PDK-së është se ne jemi ata që e përcaktojmë qeverinë e ardhshme” , tha Hoxhaj në Zona B të Klan Kosovës, duke shtuar se këtë tashmë e kanë të qartë, dhe se pa koalicionin parazgjedhor (PAN) nuk mund të ketë institucione.

Ai u shpreh i bindur se fitorja i takon PDK-së, porse nuk duhet ngatërruar madhësia e kësaj fitoreje.

“Pa PDK’në nuk do të ketë as shumicë parlamentare e as Qeveri të ardhshme”, ka thënë Hoxhaj.

Hoxhaj besimin se ata do të dalin të parët e ka edhe në zgjedhjet lokale.

“Do të befasoheni në zgjedhjet lokale me vullnetin, entuziazmin dhe energjinë që ka për ta prodhuar Partia Demokratike e Kosovës”, tha Hoxhaj.