Prokurori i Shtetit dhe Policia e Kosovës kanë mbajtur para pak çastesh një konferencë për media ku kanë shpalosur angazhimet e këtyre dy institucioneve në mbarëvajtjen e zgjedhjeve.

Laura Pula koordinatore nacionale për zgjedhjet e parakohshme parlamentare tha se në të gjithë Kosovën janë të angazhur 100 prokurorë për mbarëvajtjen e zgjedhjeve, shkruan arbresh.info.

“Sot në ditën e mbajtjes së zgjedhjeve këta prokurorë do të evidentojnë çdo parregullësi të procesit zgjedhor dhe do të përcjellin manipulimet. Nuk kemi ndonjë rast penal mirëpo vetëm disa informacione siç ështrë rasti i Shtërpcës për të cilin jemi në proces të verifikimit. Prokurori I shtetit në bashkëveprim të Policisë së Kosovës i kanë marrë të gjithë masat”, tha Pula.

Ndërkaq, Naim Rexha, zëvendësdrejtori i përgjithshëm i Policisë së Kosovës tha se Policia është duke i hetuar katër raste të keqpërdorimeve që kanë ardhur pas disa informacioneve.

“Policia i ka në trajtim 4 informcione që kanë arritur nga komunat e ndryshme. Është duke u zhvilluar një aktivitet i gjithëmbarshëm i qetë zgjedhor”, ka thënë Rexha./Arbresh.info.