Koalicioni i Organizatave për vëzhgimin e zgjedhjeve “Demokracia në Veprim” ka bërë ndarjen e pesë çmimeve në kuadër të garës për videon më të mirë, pjesë e fushatës #AsUne nuk do të votoj për kandidatët e korruptuar, shkruan arbesh.info

Albulena Uka e fitoi çmimin e parë për videon më të mirë, të dytin e fitoi Besfort Berisha, të tretin Egzona Shabani, të katërtin e fitoi Faik Mziu dhe të pestin Tringa Alidemi.

Shefe e Zyrës së BE-së në Kosovë, Nataliya Apostolova, nga sheshi i Prishtinës u ka bërë thirrje qytetarëve të Kosovës që të dalin dhe të votojnë.

Ajo tha se përmes votës qytetarët të dielën mund të ndikojnë drejtpërsëdrejti në të ardhmen e Kosovës

“Të dielën mund të ndikoni drejtpërdrejti në të ardhmen e fëmijëve tuaj dilni e votoni demokracia ka të bëjë më këtë dilni e votoni sepse vota e secilit nga ju llogaritet. E drejta juaj për ti zgjedhur përfaqësuesit pa presion është demokracia qe ju prisni dhe meritoni”, tha ajo.

Ajo tha se BE qëndron e bashkuar kundër kandidatëve të korruptuar.

“Dilni dhe votoni çdo votë ë ka peshën ë saj.. mos i leni të tjerët të votojnë për ju”.

Ambasadori i SHBA-së Greg Delawie u tha të pranishmëve se dalja masive në zgjedhje ka rëndësi të madhe duke formuar qeverinë e ardhshme të Kosovës.

“Dalja e madhe në zgjedhje ka rendësi të madhe duke e formuar qeverinë e ardhshme të Kosovës. Prandaj ju lutem planifikoni paraprakisht se si do të shkon deri tek vendvotimi juaj dhe merrni edhe shokët tuaj”, tha Delawie./Arbresh.info