Sipas gazetës turke, Hurriyet, Birol Erdem, këshilltari i kryeministrit të Turqisë, është arrestuar së bashku me gruan e tij, Gulumser Erdem, në Ankara.

Arrestimi është kryer si pjesë e një hetimi të kryer nga Prokurori i Përgjithshëm i Ankarasë, transmeton portali arbresh.info

Gazeta turke shkruan se Erdem ka dhënë dëshminë e tij si dëshmitar në kuadër të hetimit mbi pasuesit e Gylenit.

Hetimi është duke u kryer mbi tentativën ushtarake për grusht shtet në Turqi, i cili u përmbys shpejt gjatë nga forcat qeveritare.

Më shumë se 240 veta u vranë dhe 2 mijë të tjerë janë plagosur gjatë incidentit.

Autoritetet turke kanë akuzuar klerikun me bazë në SHBA, Fetullah Gylen, i cili jeton në SHBA që nga viti 1999.

Që nga korriku i vitit të kaluar, Turqia ka arrestuar mijëra persona ushtarakë, aktivistë dhe gazetarë që dyshon për lidhje me Gylenin. /Arbresh.info