Lideri i Vetëvendosjes, Visar Ymeri ka zhvilluar sot një takim me të rinjtë para të cilëve tha se përfaqësimi i rinisë në jetën publike është i mangët.

Ymeri, në një postim në Facebook ka thënë se zhvillimi ekonomik nuk mund të paramendohet pa përfshirjen adekuate të rinisë në planin zhvillimore, shkruan arbresh.info.

Lexoni të plotë postimin e tij:

Përfaqësimi i rinisë në jetën publike është i mangët, i kufizuar, dhe për më keq i kushtëzuar përmes partisë. Kjo do të ndryshoj. Me Lëvizjen VETËVENDOSJE! do të krijohet infrastruktura e përshtatshme publike që do të ndihmoj zhvillimin e dhuntive tek të rinjtë. Arsimi publik do të jetë falas dhe do të bashërendohet me nevojat e prodhimit e ekonomisë. Mekanizmat dhe masat institucionale do ta mundësojnë punën praktike për të gjithë të rinjtë që të krijojnë përvojë pune e dije praktike për sektorët e industrisë. Zhvillimi ekonomik nuk mund të mendohet pa përfshirjen adekuate të rinisë në planin zhvillimor të vendit, dhe në këtë drejtim VETËVENDOSJE! do ta bëjë maksimumin e saj në ngritjen e kuadrove profesonale qoftë brenda apo dhe jashtë vendit./Arbresh.info.