Pogba i lumtur nëse Juve fiton Ligën e Kampionëve

08:38 | 25 Maj 2017
Arbresh Info

Ylli i Manchester United, Paul Pogba insiston se do të jetë i lumtur nëse Juventusi fiton Ligën e Kampionëve duke i uruar fat ish klubit të tij.

Pogba ishte autori i golit të parë në fitoren e Manchester United 2 me 0 ndaj Ajaxit në finalen e Evropa Ligës mbrëmjen e së mërkurës, transmeton portali arbresh.info.

Lexo edhe: Mourinho i dërgon mesazh presidentit të Realit pas fitores në Evropa Ligë

“Nëse Juventusi fiton Ligën e Kampionëve, unë do të jem shumë i lumtur, shumë i lumtur”, tha Pogba pas ndeshjes.

“Pastaj ne do të jemi në ‘Super Cup’ kundër tyre? E vërtetë. Por, unë mund t’i uroj vetëm fat ish bashkëlojtarëve të mi”

Reprezentuesi i Francës u transferua nga Juventusi në Manchester United për një tarifë që theu rekord botëror, por ish klubi i tij nuk e ka ndierë mungesën e tij duke fituar titullin e gjashtë në Serie A si dhe duke arritur në finale të Ligë së Kampionëve./arbresh.info