Uta Ibrahimi: Jam e lumtur që dërgova flamurin e Shqipërisë dhe Kosovës në krye të botës

14:34 | 23 Maj 2017
Arbresh Info

Uta Ibrahimi është shprehur e kënaqur që ka arritur të dërgoj flamurin e Shqipërisë dhe Kosovës në majën e Everestit.

Alpinistja Uta Ibrahimi është bërë femra e parë shqiptare që ka pushtuar majën e Everestit, shkruan portali arbresh.info. Ajo përmes një postimi në rrjete sociale i ka falënderuar të gjithë për mbështetjen dhe dashurinë që ia kanë lehtësuar rrugëtimin.

“Jam shumë e lumtur për të dërguar flamurin e Shqipërisë dhe të Kosovës në krye të botës, si femra e parë shqiptare”, shkruan Uta në rrjetin social Facebook, përcjell portali arbresh.info.

“Faleminderit të gjithëve për mbështetjen dhe dashurinë që e bënë ngjitjen time më të lehtë dhe të kënaqshme”.

Everest është mali më i lartë i vargmaleve të Himalajeve, dhe maja e tij vendi më i lartë i tokës mbi sipërfaqen e detit, me lartësi 8.848 metra. Gjendet ndërmjet Nepalit dhe Tibetit, në kordinata gjeografike 28ο Β, 87ο Α./arbresh.info