Shtohen masat e sigurisë për finalen e ‘FA Cup’ pas sulmit në Manchester

13:54 | 23 Maj 2017
Arbresh Info

Finalja në ‘FA Cup’ e së shtunës do të jetë subjekt i një sigurie të lartë, pas sulmit terrorist në Manchester.

Të paktën 22 persona janë vrarë pas një shpërthimi në koncertin e Ariana Grandes në Manchester dhe Federata e Futbollit të Anglisë së bashku me autoritetet vendase kanë shtuar masat e sigurisë para eventit gjigant, transmeton portali arbresh.info.

Tifozët e Arsenalit dhe Chelseat që do të shkojnë në ‘Wembley’ janë këshilluar për të arritur më herët në stadium sepse masa shtesë të sigurisë do gjenden rreth stadiumit.

“Siguria e tifozëve është më e rëndësishmja dhe ne kemi shtuar masat e sigurisë në ‘Wembley Stadium'”, ka thënë Federata e Futbollit të Anglisë./arbresh.info