Kryeministri në largim Isa Mustafa ka ngushëlluar familjen Kikaj pas vdekjes së papritur të deputetit nga radhët e LDK-së, shkruan arbresh.info.

Agim Kikaj ndërroi jetë mbrëmë pas një sulmi në zemër, lajmin e kanë konfirmuar familjarët e tij. Mësohet se ai bënte pjesë në listën e re të deputetëve për Zgjedhjet 2017.

Mustafa ka thënë për Kikaj se ai ishte shembull i sjelljes, komunikimit e artikulimit.

Për më tepër lexoni shkrimin e tij të plotë:

Të dashur miq,

Me dhembje të thellë mora lajmin për vdekjen e papritur të veprimtarit tonë të shquar të LDK-së, Agim Kika. Agimi ishte shembull i sjelljes, komunikimit dhe artikulimit, në Kuvendin e Kosovës, në aktivitetet e LDK-së dhe kudo që ishte. Gjithherë rrezatonte dashuri ndaj njerëzve e thërriste të jemi bashkë. Ngushëllime familjes Kika; ngushëllime z. Agim Veliu, Kryetar i Komunës së Podujevës dhe i Degës së LDK-së së Podujevës; ngushëllime miqve e bashkëveprimtarëve tanë dhe qytetarëve të Kosovës.

E ngushëlloj thellë edhe veten time për humbjen e një njeriu të dashur dhe shumë të respektuar. IM