Koreja Veriore zbut qëndrimin, ‘e gatshme’ për dialog me SHBA-të

20:23 | 13 Maj 2017
Trina Galanxhi

Koreja e Veriut ka deklaruar se do të zhvillojë bisedime me SHBA-të ‘në rrethana të duhura’, shkruajnë mediat e Koresë së Jugut.

Drejtoresha e përgjithshme për çështjet amerikane në Ministrinë e Jashtme koreano-veriore, Choe Son –hui i bëri këto komente për gazetarët në Pekin, gjatë ndalesës aty në rrugën e kthimit nga Norvegjia. “Nëse krijohen kushtet e duhura, do të kemi dialog”, i tha ajo gazetarëve pasi u pyet nëse veriu komunist ishte duke u përgatitur për bisedime me administratën Trump, transmeton portali arbresh.info

Në fillim të këtij muaji, Presidenti i SHBA-ve, Donald Trump, tha se do të ishte ‘i nderuar’ për të takuar Kim Jong-un.

Komentet vijnë pas disa muajve tensione në rritje mbi programin raketor balistik në Korenë e Veriut dhe për programin bërthamor./Arbresh.info