Përfundon ceremonia e rivarrosjes së Isa Boletinit

17:33 | 10 Qershor 2015
M. A.
Ka përfunduar ceremonia e rivarrimit të heroit kombëtar Isa Boletini.

Historia mëson prej vullnetit dhe kujtesës së një populli, ka thënë presidenti i Shqipërisë, Bujar Nishani, me këtë rast.

“Sot ajo rishkruhet duke përmbyllur rrugëtimin e heroit Isa Boletini, frymëzuesi i lirisë kthehet përgjithmonë në Kosovën e sotme të pavarur.

Isa Boletini ishte krenaria shqiptare në orët më tragjike të shqiptarisë”, ka thënë Nishani.

Në këtë manifestim kanë folur edhe kryetari i Kuvendit të Kosovës dhe kryetari i Komunës së Mitrovicës.

Ceremonia qendrore është mbajtur në prani të shumë qytetarëve të mbledhur në stadiumin e Mitrovicës, ndërsa paraprakisht janë bërë homazhe në qytet.

Pas fjalimeve dhe programit artistik, eshtrat e heroit kombëtar u dërguan në vendlindjen e tij, në Boletin.

Shpërndaje në rrjete sociale